A artista rabadense Ana Cabanes Fontao foi seleccionada pola iniciativa ‘Nomes propios’ para levar a cabo diversas exposicións urbanas de artistas emerxentes vinculados a Galicia por diferentes puntos da xeografía galega.
Un dos concellos nos que a artista achegará o seu arte a contornas rurais é o seu propio, en Rábade, onde colocou cinco traballos de novos artistas nun espazo público de libre acceso para os veciños, como é o exterior da estación do tren.
As obras, tanto escultóricas como de pintura, da artista que forman parte do proxecto ‘Nomes propios’ pódense ver nos concellos de Santa Comba e A Guarda. Os cinco traballos que poden verse na estación de tren de Rábade son propostas doutros artistas galegos que, coma ela, buscan achegar a arte a espazos rurais.
Cabanes Fontao é graduada en Belas Artes e vén de ser recoñecida pola Escola de Arte Ramón Falcón de Lugo co Premio Extraordinario ao mellor expediente académico polos seus estudos de serigrafía. Na súa obra apréciase unha forte fonte de inspiración na natureza.
