Desde a Asociación Si, hai saída desexamos expresar o noso mais sincero e profundo pesar polo falecemento do xornalista Pepe Seijo.
Grande como profesional e non menos grande como persoa, non podemos por menos que manifestar o noso inmenso agradecemento polo apoio que sempre nos brindou, pola súa lealdade, sempre por encima de calquera interese ou convencionalismo, valorando de xeito incondicional o noso traballo.
Desde Si, hai saída despedimos non soamente a un excelente profesional, se non, con moita dor, a un gran amigo.
As nosas condolencias a todos os seus seres queridos, aos seus compañeiros da Ser e xornalistas en xeral , os cales saben que contan, a si mesmo, coa nosa estima, e a ti ,
queridísimo Pepe, soamente nos queda dicirche que nunca te esqueceremos e que a túa pegada ficará para sempre con nos.
Boa viaxe, amigo.
Asociación Si, hai saída.
