Atopámonos xa totalmente mergullados en plena campaña electoral, a lo menos de xeito oficial, xa que na práctica, de maneira mais ou menos solapada, hai moito que comezou. Todos somos conscientes de que, se hai algo que vende nestas circunstancias, é a violencia machista.
Cada campaña electoral asistimos a súa utilización, a da dor das súas vítimas, a da súa desprotección, da moitas veces mais que cuestionable, por non dicir deficiente, asistencia que se lles presta, e a como as diferentes cores políticas se reprochan estas eivas unhas aos outras, mentres se multiplican as promesas que, unha vez pasado o día D das eleccións, non pasarán de ser xustamente eso, promesas, que ficarán incumpridas ata que uns novos comicios as saquen de novo a luz e o proceso se repita.
Desde a Asociación Si, hai saída pregamos a todos e cada un dos partidos políticos que se absteñan desta utilización.
A violencia de xénero, as súas vítimas , mulleres, fillos e fillas, non son estratexias ou ferramentas políticas, nin slogans de campaña. Son seres humanos con moita dor, con moito sufrimento as súas costas, que, en moitos casos, acabará por custarlles a vida. Quen de verdade quere prestarlles a súa axuda, traballa para acadar solucións reais, e non para o seu proveito e para acadar os seus fins.
Todos e cada un de nos temos a obriga de respectalos e de non contribuír a maltratalos aínda mais utilizando a súa desgraza no propio beneficio.
Asociación Si, hai saída
