A Audiencia Provincial de Lugo condena a tres anos de cárcere e ao pagamento dunha multa de 90.000 euros a un acusado de traficar con droga. A Policía Nacional interceptouno cando portaba cocaína, substancia que tamén localizaron os axentes no interior do seu vehículo, onde acharon unha caleta, e no seu domicilio.
O tribunal absolveu ao compañeiro de piso do procesado do delito contra a saúde pública do que estaba acusado.
