Xornada Fiscalidade. Fonte: CEL.Este xoves, 12 de decembro, foi realizada a xornada informativa “Novidades normativas 2025. Como preparar á nosa empresa: Novidades fiscais e factura electrónica” na sede da Confederación de Empresarios de Lugo (CEL). Case corenta empresarios de toda a provincia lucense estiveron presentes no acto, dividido en dúas partes: modificacións lexislativas no imposto sobre sociedades e facturación electrónica.
Ambas estiveron guiadas por diferentes figuras especializadas nas materias. Entre os colaboradores no discurso, moitos pertencentes á empresa Deloitte, estiveron a especializada en operacións de reestruturación Diana Soto ou Antía López, especializada en tributación indirecta.
