O Voceiro do Goberno Provincial, Álvaro Santos mantivo, un encontro con membros das Mancomunidades Veciñais de Montes de Anafreita e de Negradas para anunciar que a Deputación executará melloras na Cova da Serpe, co fin de promover e poñer en valor este espazo natural. Trátase dun atractivo recurso turístico da provincia situado entre as parroquias de Anafreita e Negradas, nos Concellos de Friol e Guitiriz respectivamente, e próximo á etapa Miraz-Sobrado do Camiño Norte a Santiago.
Santos Ramos explicou que a Deputación instalará paneis informativos e de sinalización, así como un miradoiro e unha área recreativa con mesas, bancos, unha fonte…
O Voceiro destacou que “a mellora do entorno da Cova da Serpe servirá para potenciar o atractivo turístico da zona co obxectivo de conseguir que máis persoas se acheguen a coñecer a Cova, as antigas lendas que envolven este máxico enclave natural e a gozar da beleza dos paisaxes naturais da nosa provincia”.
Neste mes de febreiro, comezarán a executarse as melloras deste entorno natural que cada ano, atrae a centos de grupos de sendeirismo e de afeccionados a rutas de bicicleta xa que a Cova da Serpe é un punto polo que discorren varias rutas de trekking e BBT estando, ademais, próxima a unha etapa do Camiño do Norte a Santiago pola que discorren milleiros de
peregrinos.
A instalación dun miradoiro, cun acceso acondicionado, será a primeira das actuacións que converterase nun reclamo turístico máis pola posibilidade de contemplar amplas panorámicas da provincia de Lugo e fermosas paisaxes da Terra Chá chegándose a divisar Lugo capital e incluso os Ancares.
A creación dunha área recreativa con bancos, mesas e unha fonte é outra das actuacións para a mellora deste entorno natural e paisaxístico. Permitirá que os máis de 50 veciños das localidades próximas, familias con nenos, grupos de sendeirismo, ciclistas e amantes da Natureza dispoñan dun lugar axeitado para comidas campestres ao aire libre achegándose ata a zona da Cova da Serpe máis xente. A colocación dunha sinalización con letreiros e frechas de indicacións será a terceira das melloras. A ausencia de letreiros na zona provocaba a desorientación das persoas que intentaban achegarse ata este lexendario atractivo natural da provincia de Lugo.
