Un día máis o número de novos positivos por coronavirus na área sanitaria de Lugo supera o centenar, 153 nas últimas 24 horas e a presión hospitalaria aumenta con catro persoas en UCI e 31 en planta.
A Dirección Xeral de Saúde Pública da Consellería de Sanidade informa na súa última actualización, que o número de casos activos de coronavirus en Galicia é de 18.776 deles 3.653 son da área da Coruña, 2.181 da de Lugo, 2.209 da de Ourense, 3.005 da de Pontevedra, 4.412 da área de Vigo, 2.395 da de Santiago e 921 da de Ferrol.
Do total de pacientes positivos, 35 están en UCI, 242 en unidades de hospitalización e 18.499 no domicilio. Polo de agora, en Galicia hai un total de 133.336 persoas curadas, rexistrándose 2.455 falecementos.
O número de PCR realizadas é de 2.544.167.
O número de doses de vacina contra a covid-19 administradas é de 3.475.339.
