O presidente da Asociación Laxe Blanca do Corgo, e vicepresidente da área de cultura e prensa da Federación de Asociación de Veciños, Miguel Ángel Corredoira, concedeu unha entrevista a Xornal de Lugo.
Falou entre outros asuntos, da campaña “Somos 200”, coa que a Federación pretende aumentar o número de asociacións federadas ata chegar ás duascentas. “É unha campaña que empezamos hai un mes, percorrendo case todos os concellos da provincia, e que culminará precisamente o 27 de setembro, Día do Veciño”, sinalou Corredoira.
“Ese día celebraremos no Pazo de Feiras e Congresos de Lugo un acto no que queremos presentar ás novas asociacións federadas. Creo que vamos polo bó camiño e que chegaremos facilmente ás duascentas. Temos federadas xa cento oitenta. O que estamos intentando é chegar a un maior número de veciños e dinamizar máis o rural para ter máis peso específico nas administracións”.
“A cambio de federarse gratuítamente, damos un asesoramento administrativo, distintos cursos formativos, e as asociacións de pretendan formarse de novo, cousa tremendamente complicada, lles facemos nós todo o papeleo, é decir, son todo vantaxes”, concluíu.
Poden escoitar a entrevista completa na canle de televisión de XornaldeLugo.com.
