A furgoteca, o novo servizo de bibliotecas móbiles da Xunta de Galicia, que arrancou hai uns días chega esta semana a cinco concellos da provincia.
Mañá martes estará en Folgoso do Courel, onde percorrerá as parroquias de Baldomir, Vilamor e Froxán. O mércores estará en O Incio (Centro Sociocultural), o xoves
en Negueira de Muñiz (praza do Concello), o venres en Cervantes (Dumia, Santo Tomé e Vilasante) e o domingo en Baleira (O Cádavo, Fonteo e Pousada).
Todo o calendario cos lugares e paradas que se realizarán nas vindeiras semanas están dispoñibles xa na páxina web cultura.gal/furgoteca , nos lugares de información habituais do concello ou a través das redes sociais.
Na furgoteca pódense levar en préstamo exemplares de libros, películas, música ou xogos físicos e dixitais así como publicacións periódicas como revistas e xornais. Tamén se poden facer os trámites de expedición de carnés de usuario, formación nos sistemas de préstamos dixitais, así como distintas actividades de formación. Teñen conexión a internet, equipos informáticos portátiles e impresora.
As bibliotecas móbiles son atendidas por persoal cun perfil técnico especialista en ocio educativo e animación sociocultural.
