A Policía Nacional está a investigar todavía a desaparición de Jennifer Herrero González, unha moza barreirense de 22 anos de idade desparecida dende o pasado xoves día 14. A denuncia foi presentada pola familia o venres ás 4 da tarde na comisaría da Policía Nacional de Lugo.
O subdelegado do Goberno en Lugo, Ramón Carballo, explicaba esta mañá que o vehículo da rapaza, foi atopado aparcado no entorno da Estación de Autobuses de Lugo o que pode apuntar a unha marcha voluntaria, e, segundo explicaron as fontes policiais podería deberse a unha relación que a rapaza parecía manter cunha persoa do Mediterráneo.
A Policía traballa na revisión de móbiles para poder seguir os pasos da rapaza. Carballo afirmou que, pese a que todo apunta a unha marcha voluntaria da moza, mentres exista a denuncia de desaparición, os axentes continuarán coa investigación.
