A Pontenova celebrou hoxe a IV Edición da Festa da Malla. O Alcalde da Pontenova e Presidente da Deputación, Darío Campos Conde, acompañado dos veciños da vila, participou na Festa da Malla, coa que colabora o Goberno Provincial, e que tivo lugar a carón do Pozo da Ola. Na xornada, que comezou ás 12:00 horas, incluíronse diversas actividades como demostracións con malles (un apeiro manual para bater o cereal e extraer o gran), despois houbo comida popular, na que participaron 200 veciños, e sesión vermú.
Campos Conde agradeceu a colaboración e o traballo de todos os veciños que participaron nesta nova edición “especialmente a Manolo de Pada que foi o verdadeiro promotor desta cita, que xa celebra a súa cuarta edición. Para nós son importantisimas este tipo de iniciativas xa que contribuen a promover e revalorizar as tradicións locais como sinais de identidade e atractivo da provincia”.
