Tras varias semanas cerrada, a Sala Tebras abre hoxe as súas portas, de forma virtual. Farao da man de Cómplices de Vibra Mahou en casa, un ciclo que busca devolver a música en directo de maneira simbólica ás salas de concertos máis icónicas do panorama nacional e que nun segundo concerto terá como protagonistas a Marlon e 84.
Consciente da situación pola que atravesan as salas de música en directo, Vibra Mahou, a plataforma musical de Mahou Cinco Estrellas, presenta unha edición especial de Cómplices de Vibra Mahou para mostrar o seu apoio tanto á industria como aos amantes da música. Así, a marca apoiase nalgunhas das salas de concertos máis míticas do panorama nacional para, de maneira virtual, reabrilas e propiciar que nos reencontremos cos directos ata que poidamos facelo onde máis nos gusta, nas propias salas.
O tándem cómplice será nesta ocasión o formado por Marlon e 84, hoxe 14 de maio ás 22:00h. Unha fusión única que se xestará ao longo da semana e na que o público contará cun importante papel. Cada artista, ademais de cantar temas propios, versionará cancións do outro e serán os usuarios os que, a traveso das canles de @vibramahou en Instagram e Twitter, poderán seleccionar parte do repertorio.
