A Xunta de Galicia insistiu onte no Parlamento a súa aposta polo Novo Barrio da Residencia de Lugo e polos distintos usos que terá este complexo, ao tempo que instou ao Concello de Lugo a colaborar e non poñer atrancos co obxectivo de iniciar as obras no menor tempo posible. O Conselleiro de Facenda, Valeria Martínez confirmou que a Xunta mantén o compromiso anunciado por Feijóo no pasado ano para o antigo Xeral, pese a anulación dos acordos de retrocesión deste espazo.
O titular de Facenda explicou que a Xunta deixou sen efecto a retrocesión dunha parte dos terreos a instancias do Goberno central para realizala nun momento posterior, xa que isto permitirá axilizar e simplificar os trámites necesarios.
