Aberto o prazo de solicitudes a empresas lucenses para o Kit Dixital

A mañá deste xoves foi anunciado, pola subdelegada do Goberno de Lugo, a apertura da presente convocatoria de axudas de Kit Dixital impulsado polo Goberno de España e xestionado por Red.es. Por vez primeira, as empresas poden acceder a un catálogo de catorce temáticas como xestión de redes sociais ou ciberseguridade, así como as novidades relacionadas coa Intelixencia Artificial.

Na presente convocatoria a contía das axudas do bono dixital será de 25.000 euros para aquelas empresas de entre 50 e menos de 100 empregados e de 29.000 euros para as empresas cuxo número de traballadores sexa de entre 100 e menos de 250 empregados.