A Consellería do Medio Rural informou dun lume forestal activo arestora no concello lugués de Cervantes, parroquia de Donís, que segundo as primeiras estimacións afecta unhas 20 hectáreas de monte raso.
O incendio comezou onte ás 18,08 h. parece que provocado por un raio e arestora permanece activo. No control deste lume traballan 3 axentes, 13 brigadas, 2 motobombas e 4 helicópteros.
A Consellería do Medio Rural lembrou que está a disposición da cidadanía o número de teléfono gratuíto 085, ao que se debe chamar en caso de detectar algún lume forestal.
