Medio cento de alumnos do IES do Camiño de Palas de Rei, acudiron o pasado venres aos Codex Cinema a visionar o filme en galego, Trote, do director Xacio Baño. Unha experiencia única para os mozos que tiveron unha sala aberta só para eles e na que puideron ver unha película moi especial, feita na terra e lonxe do cinema convencional.
E unha sensación única tamén para os Codex Cinema que, ao pouco de abrir as súas portas ao público, xa contan cun gran éxito día tras día. As salas de cine repetirán esta experiencia con outros centros docentes que poderán acudir a visionar calquera dos filmes, en horario de mañá.
