Unha vintena de estudantes de terceiro de ESO do IES Leiras Pulpeiro asistirá mañá a unha vista ao Xulgado de Instrución número 2 de Lugo para coñezan de primeira man o funcionamento dos órganos xudiciais da comunidade.
Durante as visitas organizadas dentro do programa, os xuíces e xuízas incidirán en aspectos que á mocidade lle poden afectar de forma directa, tales como a violencia de xénero, os delitos que teñen que ver co uso das redes sociais, o acoso escolar, o sexting ou outros relacionados co consumo de drogas. Os membros da carreira xudicial tamén lles explican conceptos básicos da xurisdición de menores, como os dereitos que lles asisten e o sistema de imposición de penas, así como os seus dereitos e deberes a partir da Lei Orgánica 1/1996, de protección xurídica do menor.
Esta visita forma parte do programa ‘Educar en Xustiza’, que no curso pasado case 4.000 estudantes de 96 centros educativos galegos, está promovido polo Consello Xeral do Poder Xudicial e o Tribunal Superior de Xustiza de Galicia.
