O corpo sen vida dun sexaxenario desaparecido a tarde de onte en Ribas de Sil foi localizado na mañá de hoxe polos axentes da Garda Civil.
O Centro Integrado de Atención ás Emerxencias (CIAE) 112 Galicia tivo coñecemento do suceso cando faltaban dez minutos para o mediodía de hoxe. Segundo a información facilitada polos voluntarios de Protección Civil da localidade aos xestores do 112 Galicia, o home desapareceu do seu domicilio na tarde de onte.
Cómpre sinalar que ata o lugar tamén desprazáronse os membros do GES de Quiroga.
Finalmente, tras o rastrexo, sobre as 12:30 horas, a Garda Civil comunicou o achado do cadáver moi preto do río que discorre polo lugar de San Pedro.
