O BNG defendeu no pleno a proposición presentada para instar á Xunta a crear un gran parque central no espazo que actualmente ocupa a estación de autobuses. “Un gran parque verde de máis de 27.000 metros cadrados, integrando os xardíns da Praza da Constitución e conectando coa Praza de Bretaña e o Vello Cárcere”. A proposta foi aprobada malia a abstención do grupo municipal do Partido Popular.
A proposta feita polo BNG inclúe a creación dun paso soterrado para vehículos que una a rúa Dinán e a avenida Anxo López Pérez “eliminando na práctica o tráfico rodado nesta zona”, explicou Arroxo.
Asemade o BNG propón tamén a creación dunha parada para as liñas de transporte interurbano que desexen parar nesta zona da cidade, mantendo o resto do espazo como o que defuniu “o Parque Central de Lugo, unha nova praza verde integrada no casco histórico”.
