Un incendio detectado esta madrugada nunha casa abandonada de Lugo provocou danos materiais na súa estrutura. O lume calcinou o tellado, que se veu abaixo. Os feitos tiveron lugar na rúa Fontiñas. O 112 Galicia recibía a alerta por parte dun particular ás 2:20 horas.
Axiña, dende o Centro de Atención ás Emerxencias 112 Galicia pasábase o aviso aos Bombeiros de lugo e á Agrupación de Voluntarios de Protección Civil. O CAE 112 Galicia informou do ocorrido, tamén, á Policía Local.
