O Secretario Xeral do PSOE na Provincia de Lugo, Álvaro Santos Ramos, xunto a compañeiros do partido, celebraron este sábado en San Cibrao o primeiro dos Encontros Comarcais con militantes. Durante o encontro debateron sobre as oportunidades e necesidades da Mariña.
Estes encontros, ademais dun exercicio de transparencia, buscan fomentar a participación, o diálogo, o debate e a posta en común de inquedanzas e perspectivas, que permita ao Partido Socialista na provincia de Lugo afondar nun proxecto que recolla e englobe as demandas, preocupacións e necesidades que teñen os veciños da nosa provincia.
