As piscinas municipais de As Pedreiras acollerán esta fin de semana a vixésimo sétima edicios dos Xogos Autonómicos de Natación Special Olympics, un evento que ten como obxectivo promover o deporte inclusivo e no que tomarán parte 15 asociacións de toda Galicia, que traballan a prol das persoas con discapacidade intelectual.
Estes Special Olympics de Natación terán lugar o sábado, 29 de marzo, nas piscinas municipais de As Pedreiras, desde as 10.45 horas co desfile inaugural e contarán coa participación de deportistas integrantes de ata 15 asociacións de toda Galicia, entre elas as lucenses San Vicente de Paul e Aspnais, que é ademais a entidade anfitriona. Por iso, agárdase a asistencia de case 150 deportistas, ademais doutras 50 persoas entre adestradores, voluntarios e integrantes da organización.
