O Concello promove o comercio local facilitando que as tendas de Lugo saquen os seus produtos á rúa o último martes de cada mes.
Un total de 50 tendas de toda a cidade xa se adheriron á iniciativa de sectores diversos, como téxtil de adultos e de nenos, deporte, calzado, bixutería, xoiería, librería, óptica, etc. Os comercios participantes serán identificados cunha bandeirola e localízanse principalmente no centro histórico e na contorna da Avenida da Coruña.
Dende o Concello animan “a todas e todos os veciños a que aposten polo comercio local e se acheguen a participar nesta iniciativa, para seguir facendo que o noso comercio sexa un motor de prosperidade e un orgullo para todos nós”.
