A moción presentada pola Plataforma en defensa da Sanidade Pública da Mariña no Concello de Barreiros acadou, unha vez máis, o voto favorable de forma unánime. Nunha sesión plenaria abarrotada de veciñas e veciños , a moción foi defendida polo portavoz do colectivo, Víctor Vila, tras cederlle o seu primeiro turno de palabra o grupo municipal do BNG e ser este aceptado pola corporación.
Desde a Plataforma Sanitaria agradecen a todos os gupos políticos que conforman a Corporación Municipal polo seu voto favorable e agardan que esto non quede só nun xesto e “se traslade á Xunta o acordo unánime tomado en Barreiros, para que comecen a traballar na solución deste grave problema sanitario que afecta tamén aos veciños Concellos de Mondoñedo e Lourenzá”, manifesta Víctor Vila.
