Instrumentos cargados e motores en marcha. O Grupo Brath volve esta fin de semana aos escenarios logo do paro obrigado pola pandemia no que aproveitaron para traballar en novos temas e, pronto, poderán ver a luz.
A banda galega, encabezada por Eloi Caldeiro, tocará esta fin de semana en terras catalanas para achegar o folk a dúas salas da comunidade mediterránea. Así, como informan no seu perfil de Instagram, o grupo tocará mañá, venres 26 de novembro no Teatre de Cal Ninyo na localidade de Sant Boi de Llobregat.
O segundo concerto terá lugar este sábado, 27 de novembro, no Centre Artesà Tradicionàrius, en Barcelona, a partir das 9 da noite.
Os escenarios lucenses, polo momento, terán que agardar unhas semanas para ver a Brath en directo. Previsiblemente a finais do mes de decembro a banda tocará en Lugo, na Sala Tebras, para avanzar os temas do seu novo traballo.
Brath
Brath é a banda que no ano 80 incorpora por primeira vez ao folk galego instrumentos que ata de aquela estaban reservados para o rock, como a batería e as guitarras eléctricas. Con esta nova visión da música galega, que naqueles intres foi toda unha revolución, iniciouse un camiño que pouco a pouco recorrerían a maioría dos grupos do noso país.
Brath que nacía coa filosofía de achegar á xente moza a nosa música de raíz, utilizou dende o principio a mestura de diferentes estilos de música como o pop ou rock, para a traveso de diferentes formulas, crear unha nova música galega a partires da tradición.
Nov 25, 2021 - 11:40 AM
bueno… mentres que a volta os do PP de Lugo e PPdeG e os Voxeiros non vos chamen cómplices de radicais independentistas quimacontenedores por ir a tocar alí, todo vai ben.