O Presidente da Deputación e Alcalde da Pontenova, Darío Campos Conde, recibiu este venres na Casa do Concello pontenovés aos membros do Sporting Pontenova, o equipo mariñán que na tempada 2016-2017 acadou o dobrete tras conseguir o título de liga e o ascenso a Primeira Autonómica, así como a Copa Deputación de Fútbol. O Sporting Pontenova impúxose na final disputada no Anxo Carro ao CF Friol, reconquistando o título, 18 anos despois de gañalo por primeira vez.
