Candia: “A renovación e a experiencia farán do PP un proxecto de éxito para todos os lucenses”

O PP lucense renova nun 43,3% os cabezas de lista cos que a formación concorre ás municipais da provincia con 29 novos cabezas de lista con respecto ás anteriores eleccións municipais

Con esta renovación, o Partido Popular aposta “pola xuventude e pola veteranía”, pois só así, engadiu a presidenta, “se poden facer ben as cousas”

A formación acode a este proceso electoral coa “máxima ilusión e responsabilidade”. “Os cidadáns saben que somos a única forza que goberna con estabilidade; a única forza centrada no rural, na economía, nas empresas, no emprego e en cumprir o que di”

Destaca “o intenso” labor levado a cabo durante os últimos meses para “deseñar equipos gañadores” porque “detrás destes 67 candidatos hai máis persoas que os acompañan nas respectivas listas ata chegar a sumar arredor de 1.000 en toda a provincia”