Unha colisión entre dous vehículos en Viveiro sáldase con catro persoas feridas. Unha delas é unha muller embarazada. Todas elas foron trasladadas a un centro hospitalario.
O accidente rexistrouse na LU-862, a estrada que une a localidade con Burela, á altura dos Catro Camiños, na parroquia de Celeiro.
O 112 Galicia recibía o aviso dos efectos de Protección Civil ás 21:00 horas de onte. Pola súa banda, os profesionais do Centro de Atención ás Emerxencias alertaron aos Bombeiros e ao GRUMIR de Viveiro. Tamén se informou á Policía Local.
