O sindicato CCOO ven de conseguir que contratos por obra ou servizo pasaran a ser indefinidos. A transformación dos contratos produciuse grazas á denuncia presentada polo sindicato na Inspección de Traballo e Seguridade Social para que se aplique o disposto na reforma laboral 7-6-2022.- Comisións Obreiras (CCOO) logra a conversión en indefinidos de varios postos de traballo no Club Fluvial de Lugo. Así llo acaba de comunicar a Inspección de Traballo e Seguridade Social ao sindicato. Precisamente, a conversión destes contratos prodúcese grazas á denuncia presentada por CCOO perante a autoridade laboral o pasado mes de febreiro. «En relación á súa denuncia contra o Club Fluvial de Lugo, e tras as comprobacións oportunas, a empresa procedeu a transformar en indefinidos os contratos de varios traballadores da empresa», reza a sintética comunicación remitida ao sindicato pola subinspectora laboral que tratou o caso. A denuncia presentada sinalaba que a empresa organiza oferta formación para a práctica de diferentes actividades deportivas e de ocio. Para impartir esta formación, a empresa formalizaba «con carácter sistemático —de forma fixa e descontinua— contratos de traballo de varias persoas traballadoras […] baixo a modalidade de contrato de obra ou servizo determinado e eventuais por circunstancias da produción […]». Ante isto, CCOO puxo de manifesto que estas modalidades contractuais incorren «en manifesta fraude de lei», polo que se instaba ás actuacións inspectoras necesarias «para que se regularice a contratación laboral das persoas afectadas».
