A Piscina Municipal de Lieiro, no Concello de Cervo, acollerá esta fin de semana un novo curso de esquimotaxe organizado polo Club de Piragüismo Cidade de Lugo e a Federación Galega de Piragüismo, coa colaboración da sección de piragüismo do Club Deportivo San Ciprián e do Concello de Cervo.
O curso será este domingo, 20 de febreiro, na piscina olímpica municipal de Lieiro e transcorrerá entre as 10 e as 19 horas. Os prezos por participante irán dende os 4 euros para socios do club Cidade de Lugo, ata os 9 euros para participantes non asociados e sen licenza. Se teñen licenza, malia non estar asociados a ningún club, pagarán 6 euros.
