A voceira de Cidadáns no concello Olga Louzao, presentou un escrito no concello para instar a institución a facer unha renovación do Tribunal Económico-Administrativo.
O escrito remitido por Cidadáns solicita “En cumprimento do disposto na Ley 57/2003, de 16 de decembro, de medidas para a modernización do Goberno local, o Concello de Lugo creou un órgano especializado para a resolución das reclamacións sobre actos tributarios de competencia local denominado Tribunal Económico-Administrativo do Concello de Lugo.
O funcionamento deste órgano está recollido no seu Regulamento Orgánico, aprobado con carácter definitivo no Pleno do 1-9-2008. O nomeamento dos seus membros efectuouse no Pleno Extraordinario celebrado o día 23-12-2008.
Segundo se establece no Regulamento, o órgano competente para a designación dos membros do Tribunal Económico-Administrativo do Concello de Lugo é o Pleno, previa proposta da Xunta de Goberno Local ao respecto, sendo preciso o voto favorable da maioría legal dos membros do Pleno.
Transcorridos xa 8 anos desde o seu nomeamento cómpre a renovación deste órgano, competencia que recae nos grupos políticos que conforman a actual Corporación Municipal, entendendo recomendable, desde Cidadáns, que se fixe unha duración máxima ao mandato dos novos membros designados, tal como se recolle no propio Regulamento”.
