O conselleiro de Política Social José Manuel Rey, xunto coa Alcaldesa, Elena Candia, a Delegada da Xunta, Raquel Arias e outras autoridades asistiron no Centro de Servizos Comunitarios de Mondoñedo á entrega a unha trintena de persoas doutros tantos diplomas que acreditan a súa participación no programa “Xuntos nos Coidados”, impulsado pola Dirección Xeral de Maiores e Discapacidade da Xunta de Galicia, baixo o que se están a desenvolver un total de 16 cursos noutros tantos concellos con arredor de 400 alumnos e alumnas
O titular de Política Social apuntou a necesidade de “facer máis fincapé na sensibilización, información e formación co obxectivo de coñecer mellor a enfermidade e, sobre todo, a forma máis axeitada de abordar os seus coidados”
Rey Varela resaltou que, entre as liñas estratéxicas da Consellería para o vindeiro ano, está o aumento do número de prazas de atención diúrna e residencial para persoas diagnosticadas de alzhéimer e outras demencias.
