Esta semana os Codex Cinema estrean os filmes “O sono da sultana”, “O Vello Carballo” e “La Imatge Permanent” a partir do venres 17 de novembro.
En “O sono da sultana” Herguera convirte o seu debut en largometraxe nun fermosísimo lenzo de texturas, cores e soños animados que trascende os límites da pantalla. ‘The dream of the Sultana’ é un relato feminista indio escrito en 1905 por Begum Rokeya Hussein. Inés é unha directora de animación española de 30 anos que se atopa en Ahmedabad para romper co seu amante indio. Casualmente entra nunha librería onde descobre esta novela na que se narra un país imaxinario gobernado por mulleres. Fascinada pola historia e a actitude transgresora da autora, Inés decide facer unha película.
No pase de “O sono da sultana” os Codex contarán coa presenza de Chelo Loureiro, produtora da película, quefará unha presentación antes da proxección. Ao remate tamén se celebrará un pequeno coloquio.
“O vello carballo” é unha película construída desde a emoción para o reencontro e a esperanza a pesar de todo.
Ken Loach dirixe unha película sobre o futuro do último pub que queda, The Old Oak, nun pobo do nordés de Inglaterra, onde a xente está a abandonar a terra a medida que pechan as minas. As casas son baratas e están dispoñibles, polo que é un lugar ideal para os refuxiados sirios.
En “La Imatge Permanent”, Laura Ferrés fai gala dunha infrecuente sensibilidade para, coa achega de actrices non profesionais, abordar de maneira sutil e ambigua a intimidade das súas heroínas. A película trata sobre Antonia, unha nai adolescente que desaparece no medio da noite. Cincuenta anos más tarde e moitos quilómetros ao norte, Carmen, unha directora de casting algo introvertida, debe atopar persoas que conten os seus recordos tras cambiar de cidade. Durante a súa búsqueda, Carmen coñece a Antonia, unha muller impulsiva que invade a súa soidade. Quen dixo que o tempo cura todas as feridas?
