Esta semana chegan as pantallas dos Codex dúas novas estrelas:
A EMPERATRIZ REBELDE, dirixida por Marie Kreutzer; unha película de época que ademais de contar unha historia, indaga na natureza e significado das películas de época. O retrato psicolóxico de Kreutzer xoga a eses anacronismos que inaugurou a María Antonieta de Coppola, cunha banda sonora pop, algún que outro obxecto extemporáneo e unha envolvente posta en escena.
É o Nadal de 1877 e Sissi Emperatriz celebra o seu 40 aniversario e non hai indicio de felicidade arredor dela: é xulgada constantemente polos seus propios fillos e vive submisa na súa beleza en decadencia polo paso do tempo. Asfixiada polas normas, e cun apetito voraz de saber e de vida, Isabel de Austria rebélase cada vez máis contra as imposicións, na busca da emoción da xuventude.
A segunda estrea da semana é SURO do catalán Mikel Gurrea. O filme indaga nas contradicións do capitalismo (traballo, xénero, clase, raza … )a partir da historia dunha parella, Helena e Iván que deciden deixar a gran cidade, están fartos de présas e agonías. Están esperando o seu primeiro fillo e propóñense construír unha nova vida convencidos de que medrará moito máis libre e san rodeado de natureza, polo que deciden instalarse nunha masía na Alt Empordá. Pero os seus diferentes puntos de vista sobre como vivir da terra emerxen, desafiando ao seu futuro como parella.
