A Alcaldesa e o concelleiro de obras estiveron hoxe presentes na iniciación dos traballos que segundo as súas declaracións cumpren un triple obxectivo: “mellorar a seguridade na contorna, aumentar a calidade de vida da veciñanza e seguir humanizando a cidade, recuperando espazos públicos para o seu uso público”.
As obras de demolición que arrincaron e as posteriores de urbanización da beirarrúa, teñen un orzamento de 36.360 euros e un prazo de execución de tres meses. Anteriormente, a entidade local tivo que proceder ás expropiacións dos terreos, que afectaron a 172 metros cadrados de superficie fóra de aliñación (3 parcelas de 16 propietarios e indenmización pola extinción dun valo publicitario).
