Deron comezo os traballos de soterramento das liñas eléctricas de media tensión na rúa da Industria do polígono do Ceao, realizadas por Begasa.
O concelleiro de Infraestruturas Urbanas, Alexandre Penas, explicou que “O soterramento das liñas permitirá mellorar a estética da contorna, ao eliminar os soportes metálicos da mediana, e aumentar a seguridade ao retirarse o cableado”, e engadiu “o soterramento do cableado permitirá tamén maior seguridade aos vehículos de gran tamaño que circulan pola contorna”.
Asemade sinalou que “desde a concellería de Infraestruturas non realizamos directamente esta intervención, senón que nos encargamos de autorizar e supervisala desde os servizos electromecánicos”.
