Edicións Laiovento acaba de editar un libro no que se reúnen catorce pezas do colectivo teatral lucense Microefectos Dramatúrxicos. Isto supón un pequeño fito tanto para un proxecto que está a piques de cumprir catro anos de andaina como para a edición de textos teatrais en galego.
O libro foi presentado brevemente na última sesión de Microefectos no Club Clavicémbalo e agora vai ser presentado oficialmente en Libraría Gato Neghro (rúa San Roque, 32) o mércores 22, ás 20:30 horas eao día seguinte ás 20.00 horas, na Librería Trama (avda. Coruña, 21). Nestas dúas presentacións contarase con membros do colectivo e haberá sorpresas variadas para os asistentes.
Segundo indica a editorial, nas páxinas do libro pódense atopar dende persoaxes reais que semellan inventados ata divertidas distopías ademáis de temáticas tan variadas como ás que esta agrupación teatral nos ten acostumados: amor, loita, soidade, enfermidade, morte, vellez, violencia…
