Fonte: Concello de Monterroso.As vías de acceso a San Lourenzo e Pedraza do municipio de Monterroso están a ser melloradas a través de traballos de obra acollidos aos proxectos ‘Mellora do camiño Pedraza Sur’ e ‘Mellora do camiño Pedraza Norte’, ao cargo do Plan de Cooperación cos Concellos. Dende a casa consistorial monterrosina foron planeadas as obras, de 542 metros de lonxitude na primeira zona e de 745 metros na segunda.
Ambas as actuacións supuxeron un investimento conxunto de 59.101 euros para o refirme dos tramos que presentaban desperfectos e conformaban un perigo tanto para vehículos como para peóns.
