Taboada continúa na busca do octoxenario desaparecido na localidade o pasado luns día 13 de novembro. Tras sete días de busca intensa con diversos medios aínda non hai ningún avance. Protección Civil e Garda Civil conatinúan hoxe a realizar tarefas de localización mentras se prepara un dispositivo máis amplo para mañá.
O Concello de Taboada a través das redes sociais organiza unha nova busca e chama a toda a poboación a participar. Esta comitiva sairá do lugar onde se lle perdeu a pista ao ancián, o lugar da Torre, ás 9 da mañá e, outra vez arrancarán ás 3 da tarde. Alfredo Rodríguez Vázquez, desapareceu nese mesmo punto, que pertence á parroquia de San Mamede. Leva posta unha chaqueda de cor verde e un pantalón beixe.
