Correos vén de convocar ás organizacións sindicais á terceira mesa de negociación para abordar o conflito laboral aberto en Correos desde fai oito meses. CCOO, sindicato maioritario en Correos, considera que nesta mesa houbo avances moi significativos respecto a a última celebrada o pasado 29 de novembro e que acabou en folga xeral.
Forzada pola mobilización e a folga xeral do pasado 30 de novembro, a empresa pública Correos recolleu as esixencias de CCOO nunha proposta que inclúe un incremento retributivo por encima do 8%, totalmente necesario nas nóminas mileuristas, ao recoñecer os incrementos e fondos adicionais 2018-2020 recollidos no Acordo de Función Pública nos Orzamentos Xerais do Estado deste ano. En materia de emprego, concretou o número de prazas na carreira profesional, ao redor de 2.000 en total, e unha Oferta de emprego nos tres anos de vixencia do posible Acordo de case 12.000 prazas, o que xunto ás convocatorias dos dous últimos anos recuperarían os 15.000 postos perdidos no período da crise e baixarían a eventualidade ao 8%.
A apertura ás xubilacións parciais, a mellora das excedencias voluntarias incentivadas e a supresión da quenda de sábado obrigatorio que actualmente se paga a unha ínfima contía, rematan o conxunto de propostas que, para CCOO, son un gran avance que achegan a posibilidade de desactivar o conflito sindical a escasos días da seguinte Folga Xeral do día 21 de decembro.
CCOO, desde o recoñecemento das melloras incluídas nas propostas presentadas por Correos, advirte que as posicións se han aproximado moito pero a empresa ten que facer un último esforzo final definindo as prazas para convocar o ano 2019 -non menos de 4.000 para CCOO-, concretando a despenalización do absentismo e definindo os fondos que vai destinar á voluntariedad do traballo en sábados e domingos. A dous días dun posible Acordo, a catro días dunha posible folga xeral, Correos debe mover ficha para salvar un conflito que non se merecen a cidadanía nin os traballadores nin as traballadoras do Operador Postal Público deste país.
