A Deputación de Lugo anunciou esta tarde que a estrada provincial LU-P-5303, de San Clodio ao límite provincial por Torbeo, á altura do quilómetro 5, en Ribas de Sil está cortada ao tráfico debido a un afundimento da calzada provocado polas intensas chuvias dos últimos días.
Xa foron habilitados varios desvíos alternativos sinalizados para poder circular pola zona. Dende a Deputación aseguran que xa están a traballar para restablecer o tráfico o antes posible.
