Maña luns 18 de abril e ata o martes 19, estará cortada ao tráfico a rúa Castelao, dende a Ronda da Muralla, en sentido descendente, por mor das obras de asfaltado da ronda.
Debido a este corte de tráfico, a parada de bus urbano situada fronte ao número 68 de dita rúa será trasladada temporalmente fronte ao inmoble número 5 da rúa Miguel de Cervantes.
O Concello de Lugo realiza estas actuacións de mellora nesta vía en varias fases para poder garantir a mobilidade, tanto de vehículos como de peóns. Deste xeito, estableceranse 3 tramos, o primeiro entre a Rúa San Roque e a metade da Praza Asturias, o segundo entre a outra metade da Praza Asturias e a Avenida da Coruña e un terceiro entre a Avenida da Coruña e a Praza Bispo Odoario.
