A portavoz municipal de Cidadáns, Olga Louzao, denunciou esta mañá a falta de seguridade viaria que existe para os peóns no cruzamento entre a Rolda do Carme, República Arxentina e Volta da Viña. “Trátase dunha zona na que se acaba de levar a cabo unha reforma profunda do tráfico co consecuente repintado da sinalización horizontal. Sen embargo a falta de seguridade viaria continúa aí. Preocúpannos varios puntos, en especial a situación na unión entre a Volta da Viña e República Arxentina. Existe unha carencia total de accesibilidade, falta de visibilidade e literalmente o paso de peóns termina nun talud polo que é imposible que os peóns continúen o seu itinerario sen invadir a calzada xusto nun cruzamento de 180 grados para os vehículos”, sinalou a concelleira da formación laranxa.
“O mesmo sucede no encontro entre os pasos de peóns dos dous sentidos de República Arxentina, que rematan na mediana da vía sen que exista outro opción que invadir a calzada. Ademais é completamente imposible transitar por este punto cunha cadeira de rodas ou co carro dun bebé. O Goberno local non preveu ningún tipo de actuación para solucionar un problema obvio e clamoroso. A situación neste punto é lamentable, mentres tanto a alcaldesa mira para outro lado e dedícase a inaugurar en actos propagandísticos pasos de peóns intelixentes cando a menos de 200 metros do punto onde se sacou a foto existe esta gravísima situación”, dixo Louzao.
“Instamos ao Goberno local a que solucione este problema de forma urxente. É inadmisible que se invista centos de miles de euros en reformar o tráfico nesta zona e con todo déixese pasos de peóns cunha manifesta falta de seguridade e sen a máis mínima accesibilidade a pesar das numerosas denuncias veciñais e do tecido asociativo. Pedímoslle ao responsable de Infraestructuras, Alexandre Penas, que aporte solucións aos problemas reais e que non se esqueza de mellorar a seguridade viaria y a accesibilidade en este punto crítico”, concluíu.
Xuñ 01, 2021 - 03:18 PM
Outra fotiño? Hala, ata o día 13 na Plaza de Colón entón.
Xuñ 01, 2021 - 10:51 PM
Luis Díaz. O que está mal esta mal
A máis estamos en Lugo e para tratar de solucionarlos. Non sei que ten que ver Colon nin o 13 en esto
Xuñ 01, 2021 - 11:52 PM
Carlos Fernandez Peleteiro claro que esa zona está mal, sabémolo todos, pero esa concelleira e o seu partido (ou o pouquiño que vai quedando del) é, e son moi populacheiros e moi dados a fanfarria política. Plaza de Colón día 13, home… perden o traseiro por estar alí, como dereita, derechita, derechona que son.