O concelleiro de Cs, Juan Vidal-Pardo, denunciou esta mañá que a Banda Municipal de música carece de programa para 2022. De feito, a Banda non conta con nin unha soa actuación programa para o próximo ano. Vidal-Pardo informou que así o recoñeceu o Goberno local tras ser preguntado a este respecto polo grupo municipal de Cs durante a Comisión de Cultura correspondente ao pleno ordinario do mes de decembro.
“É inadmisible a falta de vontade política que o BNG demostra cara a esta agrupación. Desde o seu chegado ao Goberno local han demostrado unha incapacidade total para xestionar o talento que atesoura este colectivo de traballadores municipais e, o que é peor, mostraron cero interese en utilizar unha ferramenta perfecta para divulgar o patrimonio artístico-cultural lucense, desprezando así un valioso recurso municipal para difundir a nosa historia”, asegurou o edil da formación laranxa.
Vidal-Pardo criticou ademais que a área nacionalista do Goberno local fose incapaz de cubrir a vacante de director da banda, algo que “sen dúbida” supón un problema maiúsculo á hora de coordinar e dirixir o traballo dos músicos. “Tras a falta dun director ou directora amontóanse gran parte dos problemas da Banda. Trátase doutra promesa errada do Bloque. Chegaron con promesas de cambio, pero demostraron que non saben cumprir. A actividade cultural non se pode reducir a asinar unha serie de contratos menores con xente afín. Nos dous anos e medio que levan á fronte da área de Cultura non foron capaces de solucionar nin un só dos problemas expostos polos músicos ao comezo do mandato. Esiximos ao Goberno que leve a cabo as accións necesarias para desbloquear a solución”, dixo.
O edil, por outra banda, esixiu unha maior implicación da rexedora. “Non é só un problema do BNG, a alcaldesa debe comprometerse neste asunto. É unha auténtica vergoña a súa facilidade para poñerse de lado nos asuntos espiñentos. Do mesmo xeito que invadiu as competencias dos seus socios de Goberno para interceder na organización do San Froilán, Méndez debe actuar agora. Non pode asumir ou rexeitar competencias en función dunha cuestión de mero oportunismo político fixándose unicamente no rédito reputacional”, concluíu o concelleiro.
