A candidata de CS á alcaldía, Olga Louzao, anunciou esta mañá o seu proxecto para que o alumnado de centros públicos consuman alimentos de proximidade nos comedores escolares e se eduquen en valores de apoio aos alimentos de Quilómetro 0.«Unha das grandes vantaxes que temos os lucenses é que temos produtos dunha altísima calidade. Por iso desde Cs non entendemos porqué nos nosos comedores escolares se utilizan cáterings onde os produtos consumidos non só carecen dunha traza de orixe, senón que os alimentos cocíñanse a máis de 100 quilómetros de distancia, noutras provincias.
Louzao subliñou que “é necesario que o próximo Goberno local cambie os criterios de adxudicación deste servizo». «Nós propoñemos que á hora de licitar os novos contratos para os comedores escolares, un dos criterios de adxudicación sexa que as empresas que se postulen utilicen produtos de gandeiros e agricultores locais na medida da oferta existente. Desta maneira xeramos un menor impacto ambiental e apoiamos ao noso sector primario. Ademais lograremos que os nosos fillos e fillas teñan unha alimentación de calidade nos centros escolares e non domina por criterios unicamente económicos”, propuxo a candidata lucense.
Entre as iniciativas propostas por Louzao inclúese que nos futuros hortos urbanos municipais da Garaballa “se reserve un espazo para abastecer aos comedores escolares de forma estacional e que a súa xestión posibilite actividades de carácter pedagóxico durante todo o curso escolar. «Investíronse 800.000 euros na creación destes hortos urbanos, polo que propoñemos que parte dos produtos que cheguen aos comedores procedan precisamente deste espazo reservando unha extensión do mesmo á produción de apoio aos centros escolares e a realizar actividades con carácter pedagóxico e divulgativo para alumnos de primaria e secundaria. Non podemos permitir que os máis de 800.000 euros provinte de fondos europeos destinados a este proxecto se convertan nun novo fracaso.
É necesario, dixo a alcaldable “que este espazo na Garaballa repercuta na sociedade lucense e imos sacar todo o seu potencial unha vez comprometidos os fondos, afirmou a candidata. “Co noso Plan de educación en Qm0 queremos introducir valores de proximidade nunha infancia cada vez máis afastada do sector primario. Tamén queremos que os nosos escolares sexan conscientes da importancia dunha alimentación sa e sostible. A administración local debe defender os intereses dos lucenses e non pode permitir que a alimentación dos nosos fillos dependa unicamente de empresas que avalen só unha oferta económica deixando de lado criterios fundamentais como o lugar de elaboración ou a orixe e a calidade dos produtos consumidos polos nosos fillos», concluíu Louzao.
