O concelleiro do grupo municipal de Cs Lugo, Juan Vidal Pardo, instou esta mañá ao Goberno municipal a solucionar o problema que supón a vía ilegal construída para unir as rúas Flor de Toxo e Monte Cadramón, nas inmediaciones da gasolinera San Rafael. “É inadmisible que o Executivo local non aporte solucións a esta deficiencia. Trátase doutro asunto esquecido e metido nun caixón, como vén sendo a tónica habitual nos últimos anos”, apuntou o concelleiro da formación laranxa.
Trala presión exercida polos veciños da zona, en 2014 o Goberno socialista anunciou a súa intención de eliminar dita vía. De feito estimouse un recurso do propietario da leira afectada no que se recoñecía unha ocupación ilegal da propiedade. Cinco anos despois deste anuncio o Concello non levou a cabo ningún tipo de acción e o trazado permanece fóra da legalidade.
“É necesario actuar. Existen moitas fórmulas: levantar o asfalto e compensase os afectados, chegar a un acordo cos propietarios da leira para a cesión do terreo. O que non é de recibo é que o Goberno quédese de brazos cruzados”, apuntou Vidal. “É totalmente inadmisible que aínda non se hai reposto a legalidade neste punto”, sentenciou.
Ademais o concelleiro pon sobre a mesa unha terceira vía que sen dúbida sería a que máis seguridade xurídica e maior beneficio supoñería para este zona, xa de seu esquecida polo Goberno local. “É posible acometer unha modificación do PXOM na que se poida incluír este vial, xa que o solo esta catalogado como urbanizable programado. Con esta solución ordenaríase a zona e permitiríase o seu desenvolvemento. Trátase dun espazo moi abandonado e que debe ser integrado na cidade. Deste xeito estariamos solucionando un problema e construíndo un Lugo mellor”, concluíu.
