A voceira municipal de Cidadáns, Olga Louzao, cargou esta mañá contra o Goberno local por levar a cabo unha xestión “partidista” en relación ao asfaltado das vías municipais. ” Non entendemos como o Goberno local pode obviar o lamentable estado no que se atopa a rúa Xardín. É necesaria unha intervención urxente. Esta vía exemplifica perfectamente o fracaso do Goberno local na súa planificación para o mantemento de infraestruturas no que as distintas áreas de goberno asumen ou rexeitan responsabilidades en función da conveninecia política medida en rédito eletoral”, sinalou a edil da formación laranxa.
“Que pensarán os veciños desta zona cando ven á alcaldesa pasearse polo Senado falando de barrios multiecologicos e dunha cidade sostible e resilente cando as súas rúas están cheas de fochancas, sen beirarrúas e absolutamente intransitables?”, proseguiu Louzao.”«Estamos a falar dunha rúa cun firme moi deteriorado, que incumpre a Lei de Accesibilidade por contar con tramos de desnivel altísimo e carecer de beirarrúas. De feito é impracticable en moitos tramos froito do completo abandono. Pola súa banda, a iluminación é moi deficiente, xera problemas de seguridade e obvia a perspectiva de xénero, carencias preocupantes tendo en cuenta que esta rúa é moi transitada ao comunicar dúas vías vertebradoras da zona norte como son as rúas Río Eo e Serra de Ancares e ao atopase nas inmediacións do canil do barrio”, apuntou.
A portavoz municipal de Cs instou o Goberno local a iniciar un dialogo entre PSOE e BNG para fixar os intereses reais da cidade e deixar de lado lóitalas partidistas. “A xestión do bipartito converteuse nunha mera mercaduría de votos. Non existe un proxecto de cidade. A rúa Xardín é un exemplo magnífico do que a especulación e a neglixencia política causan sobre o territorio. É un espazo con grandes posibilidades que é susceptible de ser peonalizado pola súa proximidade ao canil, pero non hai interese por parte do Goberno. Deste xeito cubriríase en certo xeito a carencia de zonas de esparexemento das que adoece a zona. É necesario que se poñan a traballar polo ben común, deixen de lado a política partidista e aparten as obras grandilocuentes”, concluíu.
