Esta noite Taboada acollerá a Festa da Mocidade, na que actuarán os grupos Cuchufellos e Chotokoeu a partires das once e media. O evento, impulsado polos rapaces da asociación O marrao enxebre terá lugar ao carón do campo da festa de San Pedro.
A asociación porá a venda unha camiseta por valor de 15 euros, que inclue a cena e a bebida. Asemade lembran que hai un concurso aberto nas redes sociais que consiste en sacar unha foto coa camiseta do evento. O gañador levará como premio unha tablet.
A cena estará composta por empanada, chourizo e roscón, e haberá cervexa e viño.
