O director de Augas de Galicia, Roberto Rodrguez Martnez, presidir a reunin da Oficina Tcnica da Seca para analizar a situacin da conca Galicia-Costa. Na sala de reunins do edificio administrativo da Consellera.A Oficina Técnica da Seca (OTS) reuniuse esta mañá para avaliar os danos que sufriron as concas fluviais debidos ás escasas precipitacións rexistradas neste ano hidrolóxico que acabou a pasada semana. A conclusión da OTS foi propoñer que se decrete a situación de alerta por seca en seis dos 19 sistemas da bacía hidrográfica Galicia- Costa, entre eles a conca Miño-Sil. Así o explicou o director de Augas de Galicia, Roberto Rodríguez Martínez, tras a reunión da OTS, celebrada hoxe en Ourense e na que se propuxo pasar da situación de prealerta(decretada o 12 de xaneiro) á activación da fase de Alerta, segundo o protocolo de actuación acordado no Plan de Seca para a Demarcación Galicia Costa.
A OTS decretou xa alerta por seca na demarcación hidrográfica Miño-Sil, que non só abarca Lugo e Ourense senón tamén a provincia de León, na que haberá, neste última, medidas restritivas no consumo de auga doce. A situación de alerta débese aos baixos niveis dos caudais dos ríos, que presentan valores por baixo do 50%, o que as afasta da situación de normalidade en comparación con anos anteriores. Ademais, a oficina acordou este luns recomendar a declaración da alerta por seca en seis zonas da demarcación hidrográfica de Galicia-Costa, que fará efectiva Augas de Galicia a partir do próximo venres, cando se reúna o Consello Reitor de Augas de Galicia.
Os seis sistemas afectados son os que afectan os ríos Verdugo, Lagares e Baíña; ríos de Oia e O Rosal, que verten á costa atlántica; río Castro; río Xallas e Cee; río Mero e outros que desembocan na ría da Coruña; así como os ríos Mendo e Mandeo e os que desembocan á ría de Betanzos. En rolda de prensa, o director de Augas de Galicia, Roberto Rodríguez, informou de que estas seis zonas son “as que levan máis meses afastadas da normalidade” e “presentan un déficit de caudal todas elas por baixo do 50%”.
O director de Augas de Galicia reiterou que o abastecemento á poboación está garantido, aínda que “seguimos apelando, agora máis que nunca, a facer un uso comedido dos recursos”. A colaboración de todos é imprescindible para facer fronte a esta situación.
