Leváronse a cabo controles de velocidade en Avd. Madrid, Rolda da Muralla, Avd. Benigno Rivera, Estr. Vella de Santiago e Avd. Infanta Elena, controlando o paso de 2.021 vehículos, sendo denunciados 81 deles por exceder a velocidade máxima permitida na vía.
Na Avd. de Infanta Elena, cuxa velocidade máxima atópase limitada a 50 km/h, sorprendeuse a un condutor circulando a 114 km/h.
Asemade tres condutores foron denunciados administrativamente en controis de alcoholemia con resultado positivo (0.59/0.51, 0.55/0.55 e 0.70/0.59 mg/L) o que supón unha sanción de 1000 euros e a detracción de seis puntos do permiso de conducir.
Un destes condutores foi sorprendido ao volante dun turismo cunha condución irregular pola rúa Yánez Rebolo, conseguindo deter a súa marcha na Praza da Milagrosa, comprobando que presenta claros signos externos de atoparse baixo a influencia de bebidas alcohólicas, negándose en rotundo a someterse ás mesmas, polo que, ademais de por un presunto delito por conducir un vehículo de motor baixo a influencia de bebidas alcohólicas, instrúense tamén dilixencias por unha presunta negativa a someterse ás probas regulamentarias, ambas as dúas polo procedemento de xuízo rápido.
Este condutor, aínda que inicialmente se negou rotundamente a descender do vehículo, para levar a cabo as dilixencias oportunas, de forma repentina baixou do mesmo e comezou primeiro a bracear e logo a golpear cos puños a carrocería do vehículo, facendo ademán de agredir aos axentes, á vez que se dirixía a eles con ameazas, polo que os policías víronse na obrigación de reducirlle, procedendo á súa detención por un presunto delito de atentado contra axentes da autoridade.
